Aínda que non era un dos nosos obxectivos, os relatos de ficción remataron sendo parte dos nosos desenvolvementos, en boa medida dentro dun marco de non exclusión e pedagóxico.
A SITCOM da Asociación Proxecto Máscaras foi unha das probas de lume para sacar adiante un imposible: unha produción na que primaba a diversidade, cun reparto enorme e con traballo extra para adaptármonos ás diferentes capacidades que compoñían o extenso equipo.
Este é o trailer do primeiro capítulo
A película de non ficción Máscaras supoñía tentar realizar unha curtametraxe, algo que podía suceder… Ou non.
Finalmente sucedeu, e o resultado foi o desta curtametraxe na que todo o equipo tivo que aprender a sobrevivir aos rigores da realización audiovisual, e ás necesidades da súa narrativa.
Digna filla dos tempos pandémicos, esta curta condensou moitos dos malestares herdados desa época, expostos de xeito colectivo nunha sátira na que todas as persoas participantes pedían ir un pouco máis aló de todo o anterior.
“estártap” foi unha nova mostra da capacidade do cinematográfico a un lado e ao outro da pantalla.